ਖਰੜ, 15 ਦਸੰਬਰ 2023 – ਅੱਜ ਖਰੜ ਕੋਰਟ ਕੰਪਲੈਕਸ ‘ਚ ਹੋਈਆਂ ਬਾਰ ਐਸੋਸੀਏਸ਼ਨ ਖਰੜ ਦੀਆਂ ਚੋਣਾਂ ‘ਚ ਦੀਪਕ ਸ਼ਰਮਾ ਨੇ ਸਚਿਨ ਚੌਧਰੀ ਨੂੰ ਹਰਾਕੇ ਬਾਰ ਐਸੋਸੀਏਸ਼ਨ ਖਰੜ ਦੀ ਪ੍ਰਧਾਨਗੀ ‘ਤੇ ਕੀਤਾ ਕਬਜ਼ਾ ਕੀਤਾ ਜਦੋਂਕਿ ਦੋ ਅਹੁਦਿਆਂ ‘ਤੇ ਦੋ ਉਮੀਦਵਾਰ ਨਿਰਵਿਰੋਧ ਚੁਣੇ ਗਏ ਹਨ। ਇਨ੍ਹਾਂ ਚੋਣਾਂ ਬਾਰੇ ਜਾਣਕਾਰੀ ਦਿੰਦਿਆਂ ਆਰਓ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਬਾਰ ਐਸੋਸੀਏਸ਼ਨ ਖਰੜ ਦੀਆਂ ਅੱਜ ਪਈਆਂ ਵੋਟਾਂ ‘ਚ ਇਕ 175 ਵੋਟਾਂ ‘ਚੋਂ 173 ਵੋਟਾਂ ਪੋਲ ਹੋਈਆਂ ਜਦੋਂ ਕਿ ਦੋ ਵੋਟਾਂ ਕੈਂਸਲ ਹੋਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਪ੍ਰਧਾਨਗੀ ਲਈ ਐਡਵੋਕੇਟ ਦੀਪਕ ਸ਼ਰਮਾ ਨੇ 101 ਵੋਟਾਂ ਹਾਸਿਲ ਕਰ ਆਪਣੇ ਵਿਰੋਧੀ ਸਚਿਨ ਠਾਕੁਰ ਜਿਨ੍ਹਾਂ ਨੂੰ 72 ਵੋਟਾਂ ਪਈਆਂ ਨੂੰ 29 ਵੋਟਾਂ ਨਾਲ ਹਰਾਇਆ।
ਇਸੇ ਤਰ੍ਹਾਂ ਵਾਇਸ ਪ੍ਰਧਾਨ ਲਈ ਪਰਮਿੰਦ ਠਾਕੁਰ ਨੂੰ 91 ਤੇ ਉਨ੍ਹਾਂ ਦੇ ਵਿਰੋਧੀ ਰਵਿੰਦਰ ਰਾਣਾ ਨੂੰ 81 ਵੋਟਾਂ ਅਤੇ ਸੈਕਟਰੀ ਦੀ ਹੋਈ ਚੋਣ ਵਿਚ ਸ਼ੁਸਾਂਤ ਕੌਸ਼ਿਕ ਨੂੰ 103 ਵੋਟਾਂ ਤੇ ਮਨਜੀਤ ਸਿੰਘ ਨੂੰ 69 ਵੋਟਾਂ ਪਈਆਂ ਜਿਨ੍ਹਾਂ ਆਪਣੇ ਵਿਰੋਧੀ ਨੂੰ 34 ਵੋਟਾਂ ਨਾਲ ਹਰਾਇਆਂ। ਇਹਨਾਂ ਚੋਣਾਂ ‘ਚ ਜੁਆਇੰਟ ਸੈਕਟਰੀ ਲਈ ਸਿਮਰਨਜੀਤ ਸਿੰਘ ਟਿਵਾਣਾ ਅਤੇ ਖਜ਼ਾਨਚੀ ਲਈ ਦੀਪਿਕਾ ਸ਼ਰਮਾ ਨਿਰ ਵਿਰੋਧ ਆਪਣੇ ਅਹੁਦਿਆਂ ‘ਤੇ ਚੁਣੇ ਗਏ ਹਨ। ਆਰਓ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਇਹਨਾਂ ਚੋਣਾਂ ‘ਚ ਦੋ ਵੋਟਾਂ ਕੈਂਸਲ ਹੋਈਆਂ ਹਨ। ਇਨ੍ਹਾਂ ਚੋਣਾਂ ‘ਚ ਸੰਜੀਵ ਕੁਮਾਰ ਸ਼ਰਮਾ ਵੱਲੋਂ ਚੋਣ ਅਬਜ਼ਰਵਰ ਵਜੋਂ ਅਹਿਮ ਭੂਮਿਕਾ ਨਿਭਾਈ ਗਈ।
