ਨਵੀਂ ਦਿੱਲੀ : ਬਿੱਗ ਬੌਸ ਨੂੰ ਟੀਵੀ ਦੇ ਵਿਵਾਦਤ ਸ਼ੋਅਜ਼ ਵਿਚ ਗਿਣਿਆ ਜਾਂਦਾ ਹੈ। ਸ਼ੋਅ ‘ਚ ਮੁਕਾਬਲੇਬਾਜ਼ਾਂ ਦੇ ਲੜਾਈ-ਝਗੜੇ ਸਭ ਤੋਂ ਸੁਰਖੀਆਂ ‘ਚ ਰਹਿੰਦ ਹਨ। ਬਿੱਗ ਬੌਸ ਸੀਜ਼ਨ 17 ਵਿਚ ਵੀ ਮੁਕਾਬਲੇਬਾਜ਼ ਸ਼ੁਰੂ ਤੋਂ ਹੀ ਆਪਸ ‘ਚ ਲੜਦੇ ਨਜ਼ਰ ਆ ਰਹੇ ਹਨ। ਉੱਥੇ ਹੀ ਹੁਣ ਘਰ ‘ਚ ਮਜ਼ਬੂਤ ਬਾਂਡਿੰਗ ਰੱਖਣ ਵਾਲੇ ਦੋ ਮੁਕਾਬਲੇਬਾਜ਼ ਇਕ-ਦੂਜੇ ਦੇ ਖ਼ਿਲਾਫ਼ ਹੋ ਗਏ ਹਨ। ਬਿੱਗ ਬੌਸ 17 ਦੇ ਸਭ ਤੋਂ ਮਸ਼ਹੂਰ ਪ੍ਰਤੀਯੋਗੀ ਅੰਕਿਤਾ ਲੋਖੰਡੇ, ਵਿੱਕੀ ਜੈਨ, ਐਸ਼ਵਰਿਆ ਸ਼ਰਮਾ ਅਤੇ ਨੀਲ ਭੱਟ ਹਨ। ਇਹ ਚਾਰੇ ਮਸ਼ਹੂਰ ਟੀਵੀ ਸਟਾਰ ਹਨ ਅਤੇ ਰਿਅਲ ਲਾਈਫ ਕਪਲ ਹਨ। ਸ਼ੋਅ ਤੋਂ ਬਾਹਰ ਇਹ ਸਾਰੇ ਚੰਗੇ ਦੋਸਤ ਹਨ।
ਅੰਕਿਤਾ ਦੇ ਝਗੜੇ ‘ਚ ਆਏ ਨੀਲ ਤੇ ਵਿੱਕੀ ਅੰਕਿਤਾ
ਵਿੱਕੀ ਜੈਨ ਅਤੇ ਨੀਲ ਭੱਟ ਦੀ ਬਾਂਡਿੰਗ ਬਿੱਗ ਬੌਸ 17 ਦੇ ਘਰ ਵਿਚ ਵੀ ਦੇਖਣ ਨੂੰ ਮਿਲੀ ਸੀ। ਹੁਣ ਉਨ੍ਹਾਂ ਦੀ ਭਿਆਨਕ ਲੜਾਈ ਦੀਆਂ ਵੀਡੀਓਜ਼ ਸਾਹਮਣੇ ਆਈਆਂ ਹਨ। ਅਸਲ ‘ਚ ਇਹ ਲੜਾਈ ਅੰਕਿਤਾ ਲੋਖੰਡੇ ਅਤੇ ਖਾਨਜ਼ਾਦੀ ਵਿਚਾਲੇ ਸੀ ਪਰ ਬਾਅਦ ‘ਚ ਵਿੱਕੀ ਜੈਨ ਅਤੇ ਨੀਲ ਭੱਟ ਇਸ ‘ਚ ਉਲਝ ਗਏ।
ਬੁਰੀ ਤਰ੍ਹਾਂ ਭੜਕੇ ਨੀਲ ਭੱਟ
ਅੰਕਿਤਾ ਲੋਖੰਡੇ ਅਤੇ ਖਾਨਜ਼ਾਦੀ ਦੀ ਆਪਸ ‘ਚ ਬਹਿਸ ਹੋ ਰਹੀ ਹੁੰਦੀ ਹੈ। ਇਸ ਦੌਰਾਨ ਅੰਕਿਤਾ ਉਸ ਨੂੰ ਇਡੀਅਟ ਬੋਲ ਦਿੰਦੀ ਹੈ, ਜਿਸ ਤੋਂ ਬਾਅਦ ਖਾਨਜ਼ਾਦੀ ਨੂੰ ਬਹੁਤ ਗੁੱਸਾ ਆਉਂਦਾ ਹੈ। ਇਸ ਦੌਰਾਨ ਨੀਲ ਭੱਟ ਬਚਾਅ ਲਈ ਆਉਂਦਾ ਹੈ ਪਰ ਅਚਾਨਕ ਉਹ ਵਿੱਕੀ ਦੀਆਂ ਹਰਕਤਾਂ ‘ਤੇ ਭੜਕ ਜਾਂਦੇ ਹਨ। ਹਾਲਾਤ ਇੰਨੇ ਵਧ ਜਾਂਦੇ ਹਨ ਕਿ ਨੀਲ ਨੂੰ ਰੋਕਣ ਲਈ ਐਸ਼ਵਰਿਆ ਸ਼ਰਮਾ ਅਤੇ ਅਭਿਸ਼ੇਕ ਕੁਮਾਰ ਨੂੰ ਆਉਣਾ ਪੈਂਦਾ ਹੈ।
ਕੀ ਖ਼ਤਮ ਹੋ ਜਾਵੇਗੀ ਦੋਸਤੀ?
ਵਿੱਕੀ ਜੈਨ ਅਤੇ ਨੀਲ ਭੱਟ ਵਿਚਕਾਰ ਝਗੜਾ ਕਿਸ ਹੱਦ ਤੱਕ ਜਾਂਦਾ ਹੈ, ਆਉਣ ਵਾਲੇ ਐਪੀਸੋਡਾਂ ਵਿਚ ਪਤਾ ਲੱਗੇਗਾ। ਇਸ ਦੇ ਨਾਲ ਹੀ ਕਈ ਹੋਰ ਸਵਾਲ ਇਹ ਵੀ ਉੱਠਦੇ ਹਨ ਕਿ ਕੀ ਸ਼ੋਅ ਤੋਂ ਬਾਹਰ ਉਨ੍ਹਾਂ ਦੀ ਬਾਂਡਿੰਗ ‘ਤੇ ਅਸਰ ਪਵੇਗਾ ਜਾਂ ਇਹ ਬਿੱਗ ਬੌਸ ਵਿਚ ਆਪਣੇ ਆਪ ਨੂੰ ਲਾਈਮਲਾਈਟ ‘ਚ ਲਿਆਉਣ ਦਾ ਤਰੀਕਾ ਹੈ।
