ਦਰਸ਼ਕ ਰੋਹਿਤ ਸ਼ੈਟੀ ਦੇ ਸ਼ੋਅ ‘ਖਤਰੋਂ ਕੇ ਖਿਲਾੜੀ’ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਪਿਛਲੇ ਕਈ ਸੀਜ਼ਨਾਂ ਤੋਂ ‘ਖਤਰੋਂ ਕੇ ਖਿਲਾੜੀ’ ਦਰਸ਼ਕਾਂ ਦਾ ਮਨ ਮੋਹ ਰਿਹਾ ਹੈ ਅਤੇ ਕਲਰਜ਼ ਟੀਵੀ ‘ਤੇ ਇਕ ਹਿੱਟ ਸ਼ੋਅ ਰਿਹਾ ਹੈ। ਹੁਣ ਸ਼ੋਅ ਦੇ ਨਵੇਂ ਸੀਜ਼ਨ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਕਾਫੀ ਉਤਸ਼ਾਹ ਹੈ।
ਪ੍ਰੀਮੀਅਰ ਤਰੀਕ ਆਈ ਸਾਹਮਣੇ
‘ਖਤਰੋਂ ਕੇ ਖਿਲਾੜੀ 13’ ਦੇ ਮੁਕਾਬਲੇਬਾਜ਼ਾਂ ਨੂੰ ਲੈ ਕੇ ਹੁਣ ਤਕ ਕਈ ਮਸ਼ਹੂਰ ਹਸਤੀਆਂ ਦੇ ਨਾਵਾਂ ਦੀ ਚਰਚਾ ਹੋ ਚੁੱਕੀ ਹੈ। ਬਿੱਗ ਬੌਸ-16 ਦੇ ਕਈ ਮਸ਼ਹੂਰ ਮੁਕਾਬਲੇਬਾਜ਼ਾਂ ਦੇ ਨਾਂ ਵੀ ਇਸ ਸੂਚੀ ਵਿਚ ਸ਼ਾਮਲ ਹਨ। ਉੱਥੇ ਹੀ ‘ਖਤਰੋਂ ਕੇ ਖਿਲਾੜੀ’ ਸ਼ੋਅ ਦੇ ਪ੍ਰੀਮੀਅਰ ਨੂੰ ਲੈ ਕੇ ਲਗਾਤਾਰ ਚਰਚਾ ‘ਚ ਹੈ। ਹੁਣ ਆਨ ਏਅਰ ਹੋਣ ਨੂੰ ਲੈ ਕੇ ਅਪਡੇਟ ਸਾਹਣੇ ਆਈ ਹੈ।
ਇਸ ਦਿਨ ਸ਼ੁਰੂ ਹੋਵੇਗਾ ਸ਼ੋਅ
ਰਿਐਲਿਟੀ ਸ਼ੋਅ ਨਾਲ ਜੁੜੇ ਇਕ ਸੋਸ਼ਲ ਮੀਡੀਆ ਪੇਜ ਨੇ ‘ਖਤਰੋਂ ਕੇ ਖਿਲਾੜੀ 13’ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਰਿਪੋਰਟ ਮੁਤਾਬਿਕ ਰੋਹਿਤ ਸ਼ੈੱਟੀ ਦਾ ਸ਼ੋਅ ਕਲਰਜ਼ ਚੈਨਲ ‘ਤੇ 17 ਜੁਲਾਈ ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਦੇ ਨਾਲ ਮਈ ‘ਚ ਸਾਰੇ ਮੁਕਾਬਲੇਬਾਜ਼ ਭਾਰਤ ਛੱਡ ਕੇ ਸ਼ੂਟਿੰਗ ਲਈ ਵਿਦੇਸ਼ ਚਲੇ ਜਾਣਗੇ। ਇਸ ਵਾਰ ਸਥਾਨ ਦੱਖਣੀ ਅਫਰੀਕਾ ਤੋਂ ਇਲਾਵਾ ਕੋਈ ਹੋਰ ਨਵਾਂ ਦੇਸ਼ ਹੋ ਸਕਦਾ ਹੈ।
ਮੁਕਾਬਲੇਬਾਜ਼ਾਂ ਦੀ ਲਿਸਟ
‘ਖਤਰੋਂ ਕੇ ਖਿਲਾੜੀ 13’ ਦੀ ਪ੍ਰੀਮੀਅਰ ਡੇਟ ਤੋਂ ਇਲਾਵਾ ਕੁਝ ਪ੍ਰਤੀਯੋਗੀਆਂ ਦੇ ਨਾਂ ਵੀ ਸਾਹਮਣੇ ਆਏ ਹਨ, ਜਿਨ੍ਹਾਂ ਦੀ ਸ਼ੋਅ ‘ਚ ਐਂਟਰੀ ਪੱਕੀ ਹੋ ਗਈ ਹੈ। ਇਸ ਸੂਚੀ ‘ਚ ਸ਼ਿਵ ਠਾਕਰੇ, ਪ੍ਰਿਅੰਕਾ ਚਾਹਰ ਚੌਧਰੀ, ਸ਼ਾਲੀਨ ਭਨੋਟ, ਸੌਂਦਰਿਆ ਸ਼ਰਮਾ, ਮੁਨੱਵਰ ਫਾਰੂਕੀ, ਦਿਸ਼ਾ ਪਰਮਾਰ, ਨਕੁਲ ਮਹਿਤਾ ਅਤੇ ਅਰਚਨਾ ਗੌਤਮ ਵਰਗੇ ਸਿਤਾਰਿਆਂ ਦੇ ਨਾਂ ਸ਼ਾਮਿਲ ਹਨ। ਹਾਲਾਂਕਿ ਮੇਕਰਸਜ਼ ਵੱਲੋਂ ਅਜੇ ਤਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ।
ਹਾਲ ਹੀ ‘ਚ ‘ਖਤਰੋਂ ਕੇ ਖਿਲਾੜੀ 13’ ਨੂੰ ਲੈ ਕੇ ਖਬਰ ਆਈ ਸੀ ਕਿ ਨਵੇਂ ਸੀਜ਼ਨ ‘ਚ ਕਲਰਜ਼ ਦਾ ਮਸ਼ਹੂਰ ਚਿਹਰਾ ਸ਼ਾਮਿਲ ਹੋ ਸਕਦਾ ਹੈ। ਜਾਣਕਾਰੀ ਮੁਤਾਬਕ ਕੁੰਡਲੀ ਭਾਗਿਆ ਦੇ ਅਦਾਕਾਰ ਧੀਰਜ ਧੂਪਰ ਨੂੰ ਮੇਕਰਜ਼ ਨੇ ‘ਖਤਰੋਂ ਕੇ ਖਿਲਾੜੀ’ ਲਈ ਅਪ੍ਰੋਚ ਕੀਤਾ ਸੀ। ਜੇ ਦੋਵਾਂ ਵਿਚਾਲੇ ਡੀਲ ਹੋ ਜਾਂਦੀ ਹੈ ਤਾਂ ਧੀਰਜ ਵੀ ਨਵੇਂ ਸੀਜ਼ਨ ‘ਚ ਸਟੰਟ ਕਰਦੇ ਨਜ਼ਰ ਆਉਣਗੇ।
