ਨਵੀਂ ਦਿੱਲੀ, 19 ਸਤੰਬਰ 2023 – ਆਮਦਨ ਕਰ ਵਿਭਾਗ ਨੇ ਅੱਜ ਚੈਰੀਟੇਬਲ ਟਰੱਸਟਾਂ, ਧਾਰਮਿਕ ਸੰਸਥਾਵਾਂ ਤੇ ਪੇਸ਼ੇਵਰ ਸੰਸਥਾਵਾਂ ਲਈ ਆਮਦਨ ਕਰ ਰਿਟਰਨ ਭਰਨ ਦੀ ਸਮਾਂ ਸੀਮਾ ਵਧਾ ਦਿੱਤੀ ਹੈ। ਇਨਕਮ ਟੈਕਸ ਵਿਭਾਗ ਨੇ ਰਿਟਰਨ ਭਰਨ ਦੀ ਆਖ਼ਰੀ ਤਰੀਕ ਇੱਕ ਮਹੀਨਾ ਵਧਾ ਕੇ 30 ਨਵੰਬਰ ਕਰ ਦਿੱਤੀ ਹੈ।
ਆਡਿਟ ਰਿਪੋਰਟ ਪੇਸ਼ ਕਰਨ ਦੀ ਤਰੀਕ ਵਧੀ
ITR ਫਾਈਲ ਕਰਨ ਦੀ ਆਖਰੀ ਮਿਤੀ ਤੋਂ ਇਲਾਵਾ, ਆਮਦਨ ਕਰ ਵਿਭਾਗ ਨੇ 2022-23 ਲਈ ਕਿਸੇ ਫੰਡ, ਟਰੱਸਟ, ਸੰਸਥਾ ਜਾਂ ਕਿਸੇ ਯੂਨੀਵਰਸਿਟੀ ਜਾਂ ਵਿਦਿਅਕ ਸੰਸਥਾ ਜਾਂ ਮੈਡੀਕਲ ਸੰਸਥਾ ਦੁਆਰਾ ਫਾਰਮ 10B/10BB ਵਿੱਚ ਆਡਿਟ ਰਿਪੋਰਟ ਪੇਸ਼ ਕਰਨ ਦੀ ਨਿਯਤ ਮਿਤੀ ਨੂੰ ਵਧਾ ਦਿੱਤਾ ਹੈ। ਇੱਕ ਮਹੀਨੇ ਤੋਂ 31 ਅਕਤੂਬਰ, 2023 ਤਕ ਕੀਤਾ ਗਿਆ ਹੈ।
ਆਮਦਨ ਕਰ ਵਿਭਾਗ ਨੇ ਇਕ ਬਿਆਨ ‘ਚ ਕਿਹਾ – ਮੁਲਾਂਕਣ ਸਾਲ 2023-24, ਜੋ ਕਿ 31.10.2023 ਹੈ, ਫਾਰਮ ਆਈ.ਟੀ.ਆਰ.-7 ਵਿੱਚ ਆਮਦਨੀ ਦੀ ਰਿਟਰਨ ਪੇਸ਼ ਕਰਨ ਦੀ ਨਿਯਤ ਮਿਤੀ 30.11.2023 ਤਕ ਵਧਾ ਦਿੱਤੀ ਗਈ ਹੈ।
ਫਾਰਮ 7 ਕਿਸ ਲਈ ਹੈ?
ਇਨਕਮ ਟੈਕਸ ਵਿਭਾਗ ਵੱਖ-ਵੱਖ ਵਿਅਕਤੀਆਂ ਅਤੇ ਸੰਸਥਾਵਾਂ ਲਈ ਵੱਖ-ਵੱਖ ITR ਫਾਰਮ ਪੇਸ਼ ਕਰਦਾ ਹੈ। ਅਜਿਹੀ ਸਥਿਤੀ ਵਿੱਚ, ITR-7 ਯਾਨੀ ITR ਫਾਰਮ 7, ਚੈਰੀਟੇਬਲ ਅਤੇ ਧਾਰਮਿਕ ਗਤੀਵਿਧੀਆਂ, ਖੋਜ ਵਿੱਚ ਸ਼ਾਮਲ ਸੰਸਥਾਵਾਂ ਲਈ; ਅਤੇ ਪੇਸ਼ੇਵਰ ਸੰਸਥਾ ਦੁਆਰਾ ਦਾਇਰ ਕੀਤਾ ਗਿਆ ਹੈ।
ਰੁਜ਼ਗਾਰ ਪ੍ਰਾਪਤ ਵਿਅਕਤੀ ਹਾਲੇ ਵੀ ਕਰ ਸਕਦੈ ITR ਫਾਈਲ
ਹਾਲਾਂਕਿ 30 ਜੁਲਾਈ ਸਾਰੇ ਰੁਜ਼ਗਾਰ ਪ੍ਰਾਪਤ ਲੋਕਾਂ ਲਈ ਆਈਟੀਆਰ ਫਾਈਲ ਕਰਨ ਦੀ ਆਖਰੀ ਤਰੀਕ ਸੀ ਪਰ ਜੇਕਰ ਤੁਸੀਂ ਆਪਣੀ ਰਿਟਰਨ ਫਾਈਲ ਕਰਨਾ ਭੁੱਲ ਗਏ ਹੋ, ਤਾਂ ਵੀ ਤੁਸੀਂ ਜੁਰਮਾਨਾ ਭਰ ਕੇ ਆਪਣੀ ਰਿਟਰਨ ਫਾਈਲ ਕਰ ਸਕਦੇ ਹੋ।
ਰਿਟਰਨ ਭਰਨ ਵਿੱਚ ਦੇਰੀ ‘ਤੇ 5,000 ਰੁਪਏ ਦਾ ਜੁਰਮਾਨਾ ਲਗਾਇਆ ਜਾਵੇਗਾ ਜਿਨ੍ਹਾਂ ਦੀ ਕੁੱਲ ਆਮਦਨ 5,000,00 ਰੁਪਏ ਤੋਂ ਵੱਧ ਹੈ। ਜਦੋਂ ਕਿ ਜਿਨ੍ਹਾਂ ਦੀ ਕੁੱਲ ਆਮਦਨ 5 ਲੱਖ ਰੁਪਏ ਤਕ ਹੈ, ਉਨ੍ਹਾਂ ਲਈ ਜੁਰਮਾਨਾ 1,000 ਰੁਪਏ ਹੈ। ਜੇਕਰ ਤੁਸੀਂ 31 ਦਸੰਬਰ 2023 ਤੋਂ ਬਾਅਦ ITR ਫਾਈਲ ਕਰਦੇ ਹੋ, ਤਾਂ ਤੁਹਾਨੂੰ 10,000 ਰੁਪਏ ਦਾ ਜੁਰਮਾਨਾ ਭਰਨਾ ਪਵੇਗਾ।
