ਨਹਿਰ ‘ਤੇ ਨਹਾਉਣ ਗਿਆ ਨੌਜਵਾਨ ਰੁੜਿਆ, ਤਲਾਸ਼ ਜਾਰੀ

ਹਰਿਆਣਾ, 20 ਜੂਨ 2023- ਮੰਗਲਵਾਰ ਬਾਅਦ ਦੁਪਹਿਰ ਕਰੀਬ 3 ਵਜੇ ਹੁਸ਼ਿਆਰਪੁਰ ਦੇ ਇੱਕ ਨੌਜਵਾਨ ਦੀ ਨਹਿਰ ਵਿਚ ਡੁੱਬਣ ਦੀ ਖ਼ਬਰ ਹੈ। ਜਾਣਕਾਰੀ ਅਨੁਸਾਰ 3 ਨੌਜਵਾਨ ਅਮਰਨਾਥ ਕੁਮਾਰ, ਸੋਨੂੰ ਕੁਮਾਰ ਅਤੇ ਰੁਸਤਮ ਕੁਮਾਰ ਵਾਸੀ ਅਸਲਾਮਾਬਾਦ ਕਾਲੋਨੀ ਹੁਸ਼ਿਆਰਪੁਰ ਕੰਡੀ ਨਹਿਰ ਪਿੰਡ ਬੱਸੀ ਮਰੂਫ ਹਰਿਆਣਾ ਵਿੱਚ ਨਹਾਉਣ ਲਈ ਗਏ ਸਨ। ਨਹਿਰ ਵਿੱਚ ਨਹਾਉਂਦੇ ਹੋਏ ਅਚਾਨਕ ਪਾਣੀ ਦਾ ਵਹਾਅ ਤੇਜ਼ ਹੋ ਗਿਆ ਜਿਸ ਕਾਰਨ ਦੋ ਨੌਜਵਾਨ ਬਾਹਰ ਆ ਗਏ ਪਰ ਰੁਸਤਮ ਕੁਮਾਰ (24) ਪੁੱਤਰ ਮਹੇਸ਼ ਸਹਿਦੇਵ ਪਾਣੀ ਵਿੱਚੋਂ ਬਾਹਰ ਨਹੀਂ ਨਿਕਲ ਸਕਿਆ ਅਤੇ ਪਾਣੀ ਵਿੱਚ ਡੁੱਬ ਗਿਆ। ਸਥਾਨਕ ਪੁਲਿਸ ਨੇ ਪਹੁੰਚ ਕੇ ਮੌਕੇ ਦਾ ਜਾਇਜ਼ਾ ਲਿਆ ਅਤੇ ਨੌਜਵਾਨ ਦੀ ਭਾਲ ਕੀਤੀ ਜਾ ਰਹੀ ਹੈ। ਤਿੰਨੋਂ ਨੌਜਵਾਨ ਪ੍ਰਵਾਸੀ ਮਜ਼ਦੂਰ ਦੱਸੇ ਜਾ ਰਹੇ ਹਨ।