ਦੁਕਾਨ ਦੇ ਬਾਹਰੋਂ ਮੋਟਰਸਾਈਕਲ ਚੋਰੀ, ਕੇਸ ਦਰਜ

ਭਿੱਖੀਵਿੰਡ , 07 ਅਪ੍ਰੈਲ 2023- ਸਥਾਨਕ ਕਸਬੇ ਦੇ ਪੱਟੀ ਰੋਡ ‘ਤੇ ਪੁਰਾਣੇ ਕੱਪੜਿਆਂ ਦੀ ਸੇਲ ਤੋਂ ਕੱਪੜੇ ਖ਼ਰੀਦਣ ਆਏ ਵਿਅਕਤੀ ਦਾ ਮੋਟਰਸਾਈਕਲ ਚੋਰੀ ਹੋ ਗਿਆ। ਮੋਟਰਸਾਈਕਲ ਮਾਲਕ ਜਸਵਿੰਦਰ ਸਿੰਘ ਪੁੱਤਰ ਬਲਜਿੰਦਰ ਸਿੰਘ ਵਾਸੀ ਭਿੱਖੀਵਿੰਡ ਨੇ ਦੱਸਿਆ ਕਿ ਉਹ ਆਪਣੇ ਮੋਟਰਸਾਈਕਲ ਸਪਲੈਂਡਰ ਪੀਬੀ46 ਜ਼ੈੱਡ 7995 ‘ਤੇ ਸਵਾਰ ਹੋ ਕੇ ਪੱਟੀ ਰੋਡ ਨੂੰ ਜਾ ਰਿਹਾ ਸੀ। ਗੁਰਦੁਆਰਾ ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਨੇੜੇ ਦਿੱਲੀ ਵਾਲਿਆਂ ਵੱਲੋਂ ਲਾਈ ਗਈ ਸੇਲ ਦੌਰਾਨ ਮੋਟਰਸਾਈਕਲ ਖੜ੍ਹਾ ਕਰਕੇ ਕੱਪੜਿਆਂ ਦੀ ਖ਼ਰੀਦੋ-ਫ਼ਰੋਖ਼ਤ ਕਰਨ ਲੱਗਾ ਤਾਂ ਉਸ ਦਾ ਮੋਟਰ ਸਾਇਕਲ ਚੋਰੀ ਹੋ ਗਿਆ। ਬਲਜਿੰਦਰ ਸਿੰਘ ਨੇ ਕਿਹਾ ਕਿ ਮੋਟਰਸਾਈਕਲ ਸਬੰਧੀ ਨੇੜੇ-ਤੇੜੇ ਦੁਕਾਨਦਾਰਾਂ ਵੱਲੋਂ ਪੁੱਛੇ ਜਾਣ ‘ਤੇ ਕੋਈ ਪਤਾ ਨਾ ਲੱਗਾ ਤਾਂ ਉਸ ਨੇ ਥਾਣਾ ਭਿੱਖੀਵਿੰਡ ਵਿਖੇ ਲਿਖਤੀ ਰਿਪੋਰਟ ਦੇ ਦਿੱਤੀ ਹੈ।