ਪਟਿਆਲਾ ‘ਚ ‘ਆਦਿਪੁਰਸ਼’ ਫਿਲਮ ਦਾ ਵਿਰੋਧ, ਹਿੰਦੂ ਜਥੇਬੰਦੀਆਂ ਦੇ ਆਗੂਆਂ ਦੀ ਪੁਲਿਸ ਨਾਲ ਹੋਈ ਧੱਕਾ-ਮੁੱਕੀ

ਪਟਿਆਲਾ, 23 ਜੂਨ 2023- ਪਿਛਲੇ ਕਈ ਦਿਨਾਂ ਤੋਂ ਹਿੰਦੂ ਸਗਠਨਾਂ ਵੱਲੋਂ ਆਦਿਪੁਰਸ਼ ਫਿਲਮ ਦੇ ਖਿਲਾਫ਼ ਜਤਾਏ ਜਾ ਰਹੇ ਰੋਸ ਉਪਰੰਤ ਸ਼ੁੱਕਰਵਾਰ ਨੂੰ ਕੁਝ ਹਿੰਦੂ ਜਥੇਬੰਦੀਆਂ ਵੱਲੋਂ ਆਦਿਪੁਰਸ਼ ਫਿਲਮ ਬੰਦ ਕਰਵਾਉਣ ਲਈ ਸਿਟੀ ਮਾਲ ਦੇ ਪੀਵੀਆਰ ਸਿਨੇਮਾ ਸਾਹਮਣੇ ਵਿਰੋਧ ਪ੍ਰਦਰਸ਼ਨ ਕੀਤਾ ਗਿਆ। ਮਾਲ ਦੇ ਮੇਨ ਗੇਟ ਦੇ ਅੰਦਰ ਦਾਖ਼ਲ ਹੋਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਪੁਲਿਸ ਨਾਲ ਧੱਕਾ-ਮੁੱਕੀ ਹੋਈ। ਪੁਲਿਸ ਨੇ ਸਾਰੇ ਪ੍ਰਦਰਸ਼ਨਕਾਰੀਆਂ ਨੂੰ ਖਦੇੜ ਦਿੱਤਾ,ਜਿਸ ਉਪਰੰਤ ਹਿੰਦੂ ਜਥੇਬੰਦੀਆਂ ਦੇ ਆਗੂਆਂ ਨੇ ਡਿਪਟੀ ਕਮਿਸ਼ਨਰ ਤੱਕ ਪਹੁੰਚ ਕੀਤੀ।